Fatumasi
Serivisi ya Farumasi ni imwe muri serivisi z'ingenzi zunganira ubuvuzi ku Bitaro by'Akarere bya Ruli. Ishinzwe kugura, kwakira, kubika no gucunga imiti n'ibindi bikoresho byifashishwa mu buvuzi, ndetse no gutanga imiti yanditswe n'abaganga ku barwayi cyangwa ku babahagarariye mu buryo bwizewe kandi bukurikije amahame y'umwuga.
Abakozi ba Farumasi batanga ubujyanama ku mikoreshereze iboneye y'imiti, bakamenyesha abarwayi uko bayifata neza, ingaruka ishobora kugira n'ibyo bagomba kwitondera. Banakurikirana ikoreshwa ry'imiti kugira ngo ikoreshwe neza kandi itange umusaruro mwiza, bakanategura raporo no gusaba kongererwa imiti n'ibikoresho by'ubuvuzi igihe bibaye ngombwa.
Serivisi zitangirwa muri Farumasi y'Ibitaro bya Ruli
- Kugura, kwakira, kubika no gukwirakwiza imiti n'ibikoresho by'ingenzi byifashishwa mu buvuzi.
- Gutanga imiti ku barwayi barwariye mu bitaro ndetse n'abivuriza hanze yabyo.
- Gukurikirana ikoreshwa riboneye ry'imiti kugira ngo ikoreshwe neza kandi mu mutekano.
- Kwakira no gutunganya impapuro z'imiti zanditswe n'abaganga (prescriptions).
- Gutegura no gutanga imiti hakurikijwe amabwiriza y'abaganga.
- Kwandika no kubika amakuru ajyanye n'ikorwa rya serivisi za farumasi.
- Guha abarwayi ubujyanama n'amabwiriza ku ikoreshwa ry'imiti n'uburyo bwo kuyibika.
- Gutanga imiti ku barwayi mu gihe gikwiye kandi mu buryo bwizewe.
